F എല്‍പിജിക്ക് ഒടിപി, പിന്നിലിരിക്കുന്നവര്‍ക്ക് ഹെല്‍മറ്റ്, പുകപരിശോധന ഓണ്‍ലൈനില്‍,ഇന്ന് മുതല്‍ വരുന്ന മാറ്റങ്ങള്‍ - PAYYANUR NEWS

Breaking

PAYYANUR NEWS

Online News Channel

payyanur designs

payyanur designs

Post Top Ad

.

Post Top Ad


 

Sunday, November 1, 2020

എല്‍പിജിക്ക് ഒടിപി, പിന്നിലിരിക്കുന്നവര്‍ക്ക് ഹെല്‍മറ്റ്, പുകപരിശോധന ഓണ്‍ലൈനില്‍,ഇന്ന് മുതല്‍ വരുന്ന മാറ്റങ്ങള്‍


തിരുവനന്തപുരം : ഇന്ന് നവംബര്‍ ഒന്ന്. കേരളപ്പിറവി ദിനം മുല്‍ സംസ്ഥാനത്ത് നിരവധി മാറ്റങ്ങള്‍ നിലവില്‍ വരും. എല്‍പിജി ലഭിക്കാന്‍ ഒടിപി, പിന്‍സീറ്റിലിരിക്കുന്നവര്‍ക്ക് ഹെല്‍മെറ്റ് നിര്‍ബന്ധം, പുകപരിശോധന ഓണ്‍ലൈനില്‍, പച്ചക്കറികള്‍ക്ക് തറവില, ഇങ്ങനെ കുറേ കാര്യങ്ങള്‍ ഇന്ന് മുതല്‍ നിലവില്‍ വരും. ഇതിന് പുറമെ ഇടവേളയ്ക്ക് ശേഷം ബീച്ചും പാര്‍ക്കും ഇന്ന് മുതല്‍ തുറന്ന് പ്രവര്‍ത്തിക്കുകയും ചെയ്യും.

പിന്നിലിരിക്കുന്നവര്‍ക്കും ഹെല്‍മെറ്റ് നിര്‍ബന്ധം
ഇന്ന് മുതല്‍ ഇരുചക്ര വാഹനങ്ങളില്‍ പിന്നില്‍ ഇരിക്കുന്നവര്‍ക്കും ഹെല്‍മെറ്റ് നിര്‍ബന്ധമാണ്. പിന്‍സീറ്റില്‍ ഇരിക്കുന്നയാള്‍ ഹെല്‍മറ്റ് ധരിച്ചില്ലെങ്കില്‍ ഒരു തവണ പിഴയും ശാസനയും നല്‍കി വിട്ടയയ്ക്കും.രണ്ടാമത് പിടിച്ചാല്‍ ലൈസന്‍സ് റദ്ദാക്കാനാണ് തീരുമാനം. ഇരുചക്ര വാഹനം ഓടിക്കുന്നവര്‍ക്ക് ഈ നിബന്ധന നിലവിലുണ്ട്.


എല്‍പിജിയ്ക്ക് ഒടിപി
സംസ്ഥാനത്ത് ഇനി എല്‍പിജി സിലിണ്ടര്‍ ലഭിക്കുന്നതിന് ഒടിപി നിര്‍ബന്ധമാണ്. പാചക വാതക സിലിണ്ടര്‍ വിതരണം ചെയ്യുമ്ബോള്‍ ഉപയോക്താവിന്റെ മൊബൈല്‍ നമ്ബറില്‍ വന്ന ഒറ്റ തവണ പാസ്‌വേഡ് (ഒടിപി) വിതരണക്കാരന് പറഞ്ഞു കൊടുക്കണം. എങ്കില്‍ മാത്രമേ സിലിണ്ടര്‍ ലഭ്യമാകൂ. തിരുവനന്തപുരം, കൊച്ചി നഗരങ്ങളിലാണ് ഇത് ആദ്യ ഘട്ടത്തില്‍ നടപ്പിലാക്കുന്നത്. ഇന്ന് പൊതു അവധിയായ ഞായറാഴ്ച ആയതിനാല്‍ നാളെ മുതലാകും ഇത് നിലവില്‍ വരിക.


പുകപരിശോധന ഓണ്‍ലൈനില്‍
വാഹനങ്ങളുടെ പുക പരിശോധന ഇന്ന് മുതല്‍ ഓണ്‍ലൈനിലാകും നടക്കുക. ഇതിനായി മോട്ടര്‍ വാഹന വകുപ്പിന്റെ 'വാഹന്‍' സോഫ്റ്റ്‌വെയറും പുക പരിശോധന കേന്ദ്രങ്ങളും തമ്മില്‍ ബന്ധിപ്പിച്ചു. പരിശോധന കേന്ദ്രത്തില്‍ നിന്നു തന്നെ സര്‍ട്ടിഫിക്കറ്റ് ലഭിക്കും. സര്‍ട്ടിഫിക്കറ്റിന്റെ കാലാവധി കഴിയുമ്ബോള്‍ വാഹന ഉടമയ്ക്ക് എസ്‌എംഎസ് സന്ദേശം ലഭിക്കും.

പച്ചക്കറികള്‍ക്ക് തറവില
പച്ചക്കറികള്‍ക്ക് ഇന്ന് മുതല്‍ തറവില നിലവില്‍ വരും. 16 ഇനം പച്ചക്കറികള്‍ക്കാണ് അടിസ്ഥാന വില. ഉല്‍പ്പാദനച്ചെലവിന്റെ 20 ശതമാനം കൂട്ടിയാണ് തറവില നിശ്ചയിച്ചിരിക്കുന്നത്. തീരുമാനം കര്‍ഷകര്‍ക്ക് കൈത്താങ്ങാകുമെന്നാണ് വിലയിരുത്തല്‍

ബീച്ചുകളും പാര്‍ക്കുകളും തുറന്നു
സംസ്ഥാനത്തെ ബീച്ചുകളും പാര്‍ക്കുകളും തുറന്നു സഞ്ചാരികള്‍ക്കായി തുറന്ന് നല്‍കി. എട്ട് മാസത്തെ ഇടവേളയ്ക്ക് ശേഷമാണ് ബീ്ചചുകളും പാര്‍ക്കുകളും പൊതുജനങ്ങള്‍ക്ക് വേണ്ടി തുറന്നു നല്‍കുന്നത്. കൊറോണ ആശങ്കയെ തുടര്‍ന്ന് മാര്‍ച്ചിലായിരുന്നു വിനോദ സഞ്ചാര കേന്ദ്രങ്ങളും ബീച്ചുകളും പാര്‍ക്കുകളും അടച്ചിട്ടത്. കര്‍ശന നിയന്ത്രണങ്ങളോടെയാണ് ഇവ തുറക്കാന്‍ തീരുമാനിച്ചിരിക്കുന്നത്.

ലോട്ടറി വകുപ്പിന് പുതിയ വെബ് സൈറ്റും ആപ്പും
സംസ്ഥാന ഭാഗ്യക്കുറി വകുപ്പിന്റെ പുതിയ വെബ്സൈറ്റ് ഇന്ന് മുതല്‍ പ്രവര്‍ത്തനം ആരംഭിക്കും. www.statelottery.kerala.gov.in എന്ന സൈറ്റിലൂടെ തത്സമയം ലോട്ടറി ഫലം അറിയാനാകും. ഇതിന് പുറമെ പുതിയ മൊബൈല്‍ ആപ്ലിക്കേഷനായ BHAGYA KERALAM ഗൂഗിള്‍ പ്ലേ സ്റ്റോറില്‍ ലഭ്യമാണ്. ലോട്ടറി ടിക്കറ്റിലെ ക്യൂആര്‍ കോഡ് ഈ ആപ്പ് വഴി സ്കാന്‍ ചെയ്താല്‍ ടിക്കറ്റ് ഒറിജിനലാണോ എന്ന് തിരിച്ചറിയാം.

പുതിയ ലോട്ടറി
ഭാഗ്യമിത്ര എന്ന പേരില്‍ പ്രതിമാസ ലോട്ടറി ടിക്കറ്റ് ഇന്നു ഭാഗ്യക്കുറി വകുപ്പ് പുറത്തിറക്കും. ഒരു കോടി വീതം 5 ഒന്നാം സമ്മാനങ്ങളാണ്. വില 100 രൂപയാണ്. എല്ലാ മാസവും ആദ്യ ഞായറാഴ്ചയാണ് നറുക്കെടുപ്പ്.

No comments:

Post a Comment

Post Top Ad